Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
НҮБ: Монголд агаарын бохирдлын татварыг нэмэх шаардлагатай байна www.bloombergtv.mn
2020 оны төсвийн төсөлд агаар, орчны бохирдлыг бууруулах арга хэмжээний зардлыг 2019 оныхоос 41.4 тэрбум төгрөгөөр нэмэгдүүлж, нийт 137.6 тэрбум төгрөг хүргэхээр тооцоолсон байна.
Хэдий тийм боловч түүхий нүүрсийг хориглох шийдвэр хэрэгжиж эхэлсэнтэй холбоотойгоор цахилгааны шөнийн тарифыг тэглэхээр төсөвт 10 тэрбум төгрөгийг суулгасан юм. Цаашид хэрэглээ нэмэгдэх тул одоогийн тооцоогоор 23 тэрбум төгрөг шаардлагатай байгааг Байгаль орчин, Аялал жуулчлалын сайд хэлж байв.
НҮБ-ын судалгаагаар гэр хорооллын оршин суугчид орон сууцны оршин суугчидтай харьцуулахад нэгж дулаанд долоо дахин илүү үнэ төлдөг. Жилийн дундаж орлогынхоо 17.5 хувийг түлш, дулаанд зарцуулж байна. Төвийн бүсийн нэгдсэн сүлжээнд холбогдсон хэрэглэгчдийн нэг кВт.ц цахилгааны борлуулалтын дундаж үнэ нэгжийн бодит өртгөөс 20 орчим хувиар доогуур байгаа аж.
Улсын төсвөөс сүүлийн жилүүдэд тасралтгүй татаас олгож ирсэн юм. Хэдий тийм боловч Дэлхийн банк уламжлалт эрчим хүчний хэрэглээг бууруулж сэргээгдэх эрчим хүчний салбарыг дэмжих, эрчим хүчний хэмнэлтээ сайжруулахын тулд татаас олгохыг зогсоох зөвлөмж өгч байна.
Эрчим хүчний зохицуулах хорооны мэдээлснээр 2015 оноос хойших дөрвөн жилийн хугацаанд нүүрсний үнэ 40 хувиар, нүүрсний тээврийн зардал 10 хувиар, мазутын үнэ 31.8 хувиар, гадаад валютын ханш 31.6 хувиар, ашиглалтын усны үнэ 20.7 хувиар, импортын цахилгааны үнэ 31.3 хувиар өсжээ. Ийнхүү зардал өссөн нь татаас олголттой холбоотой төсвийн дарамтыг нэмэгдүүлж байгаа юм.
Үүнтэй холбоотойгоор НҮБ-аас төсвийг хяналттайгаар зорилтот үйл ажиллагаанд зарцуулах, эрчим хүчний үнэ тарифыг аажмаар оновчтой болгох, агаарын бохирдлын татварыг нэмэх, ногоон татварыг нэвтрүүлэх, засаглалыг сайжруулж ил тод байдлыг хангах зөвлөмж өгч байна.
Нийтэлсэн огноо2019-10-17
