Мэдээ мэдээлэл

Англи амин дэм Монгол улсад албан ёсоор бүртгэгдлээ.

Монгол банк : 2019 оны эхний хагас жилийн байдлаар “₮” карт зах зээлийн 75 хувийг эзэлж байна www.bloombergtv.mn

2019 оны эхний хагас жилийн байдлаар төгрөгийн 2.7 сая ширхэг “₮” карт зах зээлийн 75 орчим хувийг эзэлж байгаа талаар Монголбанк мэдээллээ. “₮” картыг EMV чип технологид шилжүүлэх ажлыг эхлүүлээд байна.

Энэ хүрээнд Монголбанк “Мастер карт интернэйшнл”-тэй хамтран ажиллах гэрээнд гарын үсэг зурлаа. EMV/NFC технологид шилжүүлснээр нууцлал, аюулгүй байдал сайжрах төдийгүй ирээдүйд мобайл төлбөр тооцооны дэвшилтэд шийдлийг нэвтрүүлэхэд чухал алхам болно гэж Монголбанк үзэж байгаа юм.

2020 онд үндэсний төлбөрийн системийн нэгдсэн зохицуулалтыг бий болгох, төлбөрийн систем дэх финтек компаниудтай холбоотой эрх зүйн зохицуулалтыг шинэчлэх зорилтыг Монголбанк мөнгөний бодлогын үндсэн чиглэлийн төсөлдөө тусгаад байна. Ялангуяа шинээр гарч ирж байгаа төлбөрийн үйлчилгээг зохицуулах зорилгоор финтекийн нарийвчилсан зохицуулалт бий болгох шаардлагатай гэж Төв банк үзжээ.

Үүний зэрэгцээ “High Payment Solutions” компани төлбөрийн системд цоо шинэ бүтээгдэхүүн танилцуулаад байна. “PCI DSS”, “Tokenization” стандарт бүхий "Hi-Pay" системийг ашиглан хэрэглэгчид цахим гүйлгээний буцаан авалт авах боломжтой болж, “Subscription” буюу сар болгон тогтмол төлөлт хийхэд хялбар болно. Өөрөөр хэлбэл “Paypal”-ийн адил банкны дансаа гуравдагч платформд бүртгүүлэх замаар хялбар гүйлгээ хийж, гаднын улсаас гүйлгээ хүлээн авах боломж бүрдэх юм байна.

Нийтэлсэн огноо2019-11-19

Категори

Үйл явдал

Монгол банк : 2019 оны эхний хагас жилийн байдлаар “₮” карт зах зээлийн 75 хувийг эзэлж байна www.bloombergtv.mn

Үйл Явдал

Мэдээ

Facebook