Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Дотоодын хиймэл оюун ухаан хөгжүүлэгч конмпаниуд гуравдагч зах зээлийг сонирхож байна www.bloombergtv.mn
2021 он гэхэд хиймэл оюун ухааны хөгжүүлэлт бизнесүүдэд 2.9 их наяд ам.долларын үнэ цэн бий болгоно гэж Судалгаа, зөвлөх үйлчилгээний “Gartner” агентлаг тооцоолсон байна. Үүгээр зогсохгүй компаниудын 70 хувь нь ажилтнуудынхаа бүтээмжийг өсгөхийн тулд энэхүү технологийг нэвтрүүлэх төлөвтэй байна.
Харин дотоодын зах зээлд зургаадугаар сард “Soft Launch”-аа хийсэн харилцагч, байгууллага хоорондын харилцааг автоматжуулах “Chatbot.mn” платформыг “Facebook”-т бүртгэлтэй 100 мянган хэрэглэгч ашиглаж байгаа талаар “Чатбот” ХХК мэдээллээ.
“Миг даатгал” компани цахим даатгал, хэрэглэгч бүртгэх зэрэг үйлчилгээгээ энэ платформоор хийж, операторын үйлчилгээний зардлаа 50 орчим хувиар бууруулсан байна. Харин “Techstore.mn” сайт байгууллагын нөөц болон цагийг хэмнэх энэхүү платформыг ашиглан хоёр долоо хоногийн хугацаанд 240 саяын борлуулалт хийжээ. “Чатбот” ХХК ирэх оноос Сингапураар дамжуулан Филиппин, Малайз, Индонез зэрэг зүүн Өмнөд Азийн зах зээлд нэвтрэхээр төлөвлөж байна.
Дотоодын зах зээлд финтек бизнес моделийг анх нэвтрүүлсэн “ЛэндМН” ББСБ-ын зээлийн гэрээт харилцагчдын тоо 12 хувь, олгосон зээлийн тоо 10 хувь, олгосон зээлийн дүн 16 хувь, зээлийн багц 19 хувиар өсжээ. Мөн цахим зээлийн үйлчилгээний “ЛэндМН” аппликейшнийг гар утсандаа татаж суулгасан хүмүүсийн тоо нэг саяыг даваад байгаа юм байна. Тус компани хиймэл оюун ухаанд суурилсан технологиор зээлдэгчийн өргөдлийг хянадаг.
Зээлдэгчдийн 98 хувь нь зээлээ цагт нь төлдөг гэсэн тоон үзүүлэлтийг Японы “Nikkei Asian Review” хэвлэлд дурджээ. “ЛэндМН”-ийн үндсэн платформын хөгжүүлэлтийг хариуцдаг “Анд системс” ХХК дотоодын зах зээлийн туршлагадаа үндэслэн гуравдагч зах зээлд нэвтрэхээр төлөвлөж байгаа талаараа мэдээллээ.
Харин дунд хугацааны стратегиараа финтек салбарыг тодорхойлоод байгаа “Инвескор” ББСБ хиймэл оюун ухааны хөгжүүлэлт дотоодод эхлэлийн шатандаа явж байна гэж үзэж байна. Энэ төрлийн технологийн хамгийн гол шаардлага болох цэгцтэй дата мэдээлэл бий болгох талд ажиллах шаардлагатай гэсэн байр суурь илэрхийллээ. Тус компани хиймэл оюун ухаанд суурилсан шинэ бүтээгдэхүүнээ 12 дугаар сард нээхээр ажиллаж байгаа талаар мэдээллээ. Одоогоор хүсэлтээ Санхүүгийн зохицуулах хороонд хүргүүлээд байгаа юм байна.
“Инвескор” ББСБ энэ ондоо багтан Киргиз улсад салбараа нээж, 2020 онд финтект суурилсан шинэ бүтээгдэхүүнээ Киргизстан улсын зах зээлд нэвтрүүлэхээр төлөвлөж байгаа аж. Харин урт хугацаандаа Төв Азийн дөрвөн улс, Зүүн Өмнөд Азийн гурван улсад шууд салбарыг нээх, Латин Америк, Африкийн зах зээлд технологиор дамжуулсан хөрөнгө оруулалт хийхээр төлөвлөжээ.
Нийтэлсэн огноо2019-11-19
