Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Ашигтай ажилласан газрууд нийслэлийн төсөвт 368.8 сая төгрөг төвлөрүүлнэ www.eagle.mn
Нийслэлийн ИТХ-ын Тэргүүлэгчид өнгөрсөн баасан гарагт хуралджээ. Уг хуралдаанаар нийслэлийн өмчит үйлдвэрийн газруудын ашиг орлогын хуваарилалт тогтоох тухай асуудлыг хэлэлцсэн байна. Нийслэлийн хэмжээнд 2019 оны жилийн эцсийн байдлаар нийт 32 үйлдвэрийн газар үйл ажиллагаа явуулснаас нийслэлийн төсвийн санхүүжилттэй 15 төсөвт үйлдвэрийн газар , өөрийн үйл ажиллагааны орлогоор санхүүждэг 17 аж ахуйн тооцоотой үйлдвэрийн газар байна. Үүнээс 15 үйлдвэрийн газрын үйл ажиллагаа хэвийн, хоёр үйлдвэрийн газар нь менежментийн хувьчлалын жагсаалтад оржээ.
2019 онд үйл ажиллагаа явуулсан орон нутгийн өмчит аж ахуйн тооцоотой үйлдвэрийн 17 газар нийт 268.9 тэрбум төгрөгийн орлого олж, 304.4 тэрбум төгрөгийн зардал гарган 35.5 тэрбум төгрөгийн алдагдалтай ажилласан байна. Дээрх дүнгээс харахад орлогын төлөвлөгөө 102.1 хувийн биелэлттэй, зардал 2.6 хувиар хэмнэгдэн, алдагдлын хэмжээ зорилтот түвшнээс 10.4 тэрбум төгрөгөөр буюу 22.8 хувиар буурсан байна. Орон нутгийн өмчит аж ахуйн тооцоотой найман үйлдвэрийн газар нийт 370.6 сая төгрөгийн цэвэр ашигтай , есөн үйлдвэрийн газар нийт 35.8 тэрбум төгрөгийн алдагдалтай байна. Алдагдалтай гарсан газруудын тухайд элэгдлийн зардал өндөр гардаг гэдгийг хуралдааны үеэр онцолжээ.
Улмаар ашигтай ажилласан орон нутгийн өмчит аж ахуйн тооцоот долоон үйлдвэрийн газрын цэвэр ашгаас нийслэлийн төсөвт нийт 368.8 сая төгрөгийг төвлөрүүлэхээр тогтсон байна.
Нийтэлсэн огноо2020-08-04
