УУХҮЯ: I/01-II/14-нд нийт 626.5 мянган баррель газрын тос экспортолсон www.bloombergtv.mn
Монгол Улс 2021 оны нэгдүгээр сарын нэгнээс хоёрдугаар сарын 14-ний өдөр хүртэлх хугацаанд нийт 626.5 мянган баррель газрын тос экспортолсон талаар Уул уурхай, Хүнд үйлдвэрийн яам мэдээллээ.
Энэ нь өнгөрсөн оны мөн үеэс 337.7 мянган баррель буюу 117.4 хувиар өссөн үзүүлэлт болж байна. Нэгдүгээр сард OPEC-ийн Өргөтгөсөн бүлэг газрын тосны гарцаа өдөрт 7.2 сая баррелиар буюу долоон хувиар бууруулсан юм. Нийлүүлэлт буурснаар брент төрлийн газрын тосны үнэ өсөж, баррель нь дунджаар 57 ам.доллар, WTI-ийнх 53 ам.доллар болсон аж.
Эрэлт өсөж, нийлүүлэлт хумигдсанаар газрын тосны үнэ цаашид ч өснө гэж “Goldman Sachs”-ийн шинжээчид тооцоолсон байна. Түүнчлэн газрын тосны хэрэглээ долоодугаар сар гэхэд цар тахлын өмнөх үеийн түвшинд очно гэжээ. Үүнтэй холбоотойгоор брент төрлийн газрын тосны үнийн таамгаа өсгөж, II улиралд баррель нь 70 ам.доллар, III, IV улиралд 75 ам.доллар хүрнэ гэсэн тооцооллыг гаргасан байна.
Түүнчлэн вакцинжуулалт эрчимжсэнээр газрын тосны эрэлт оны хоёрдугаар хагаст огцом өснө гэж АНУ-ын Газрын тосны хүрээлэн тооцоолжээ. Мөн 2021 онд газрын тосны эрэлт өдөрт 5.5 сая баррелиар өснө гэсэн байна.
Нийтэлсэн огноо2021-02-25
