Оюу Толгойн уурхайн зэсийн үйлдвэрлэл өнгөрсөн оны мөн үеэс 27 хувиар өссөнийг Рио Тинто групп лхагва гарагт /2026.10.14/ танилцуулсан тайландаа мэдэгджээ. Харин энэ он гарснаас хойш зэсийн үйлдвэрлэл 29 хувиар өссөн байна. Тайлангаас харвал тус групп 2026 онд нийт 800-870 мянган тонн зэс үйлдвэрлэх төлөвөө хэвээр хадгалжээ.

Гуравдугаар улирлын зэсийн үйлдвэрлэлийг жилийн дүнгээр тооцвол 450 мянган орчим тоннд хүрсэн байна. Оюу Толгой 2028–2036 онд жилд 500,000 тонн зэс үйлдвэрлэх урт хугацааны зорилт тавиад байгаа юм. Рио Тинтогийн гүйцэтгэх захирал Саймон Тротт тайлангийн талаар мэдэгдэл хийхдээ “Гуравдугаар улиралд бид өндөр үзүүлэлттэй ажиллалаа. Оюу Толгойн уурхайн зэсийн үйлдвэрлэл он гарснаар хойш 29 хувиар өсөж, гуравдугаар улиралд жилийн дүнгээр тооцсон үйлдвэрлэлийн хэмжээ 450 мянган тоннд хүрсэн байна. Мөн дэлхийн зах зээлд нийлүүлсэн төмрийн хүдрийн борлуулалт оны эхнээс хойш 3 хувиар нэмэгджээ. Үүнээс гадна Симандугийн төмрийн хүдрийн уурхайн үйлдвэрлэл нэмэгдэж байгаа. Гуравдугаар улиралд жилийн дүнгээр тооцсон үйлдвэрлэлийн хэмжээ нь 10 сая тоннд хүрсэн байна” гэжээ.

Эх сурвалж: Mugglehead, Rio Tinto

Нийтэлсэн огноо2026-10-15