Мэдээ мэдээлэл

Англи амин дэм Монгол улсад албан ёсоор бүртгэгдлээ.

Монгол банк: Өрхийн өрийн түвшин алгуур нэмэгдэж байна www.bloombergtv.mn

2019 оны эхнээс өрхийн өрийн түвшин буурах хандлагатай байсан ч эргэн алгуур нэмэгдэж байгааг Санхүүгийн тогтвортой байдлын тайланд дурдсан байна.

Цар тахлын үед хэрэглээний зээл олголт хумигдаж, өрийн түвшин хэрэглээний зээл талдаа багасжээ. Энэ оны II улирлын байдлаар хэрэглээний зээл өмнөх оны мөн үеэс 6.4 хувиар буурсан байна. Энэ нь өрхийн хэрэглээг хязгаарлах сөрөг нөлөөтэй юм.

Харин ипотек болон жижиг, дунд үйлдвэрлэлийн зээлийн хувьд өрийн түвшин алгуур нэмэгдэж байна. 2018-2020 оны эхний хагас хүртэлх хугацаанд ипотекийн зээл 3-5 хувийн тогтмол өсөлттэй байв. Хэдий тийм боловч 2020 оны эцэст 6.3 хувь, 2021 оны II улирлын байдлаар 9.7 хувиар өссөн байна. Ипотекийн зээлийн хүү буурч, зээлийн санхүүжилт нэмэгдсэнээр өрхүүд ийнхүү орон сууцны зээлд хамрагдах сонирхол нэмэгджээ.

Түүнчлэн 2020 оны эцсийн байдлаар 2.3 хувиар өсөж байсан жижиг, дунд үйлдвэрлэлийн зээл Эдийн засгаа сэргээх 10 их наядын цогц төлөвлөгөөний нөлөөгөөр II улиралд өмнөх оны мөн үеэс 31.3 хувиар өсөж, мэдэгдэхүйц нэмэгджээ. Мөн банкнаас бусад санхүүгийн байгууллагуудад иргэдийн зээл нэмэгдэх хандлага ажиглагдаж байна.

Үүнээс гадна хөдөлмөрийн захын төлөв сaйнгүй байгаа юм. Ажиллах хүчний оролцооны түвшин 2017 оны хоёрдугаар хагасаас нэмэгдэж, 2018-2019 онд харьцангуй тогтвортой түвшинд буюу 60 хувь орчимд байв. Хэдий тийм боловч цар тахал эхэлснээс хойш тасралтгүй буурсаар энэ оны II улиралд 56.8 хувь хүрээд байна. Хөдөлмөр эрхлэлт мөн буурч, ажилгүйдлийн түвшин тайлант хугацаанд 8.4 хувьд хүрчээ.

Нийтэлсэн огноо2021-09-20

Категори

Үйл явдал

Монгол банк: Өрхийн өрийн түвшин алгуур нэмэгдэж байна www.bloombergtv.mn

Үйл Явдал

Мэдээ

Facebook