Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Худалдааны салбарын борлуулалтын орлого I улиралд ₮7 их наяд болж өсөв www.bloombergtv.mn
Худалдааны салбарын борлуулалтын орлого 2022 оны эхний улиралд сүүлийн гурван жилийн дээд түвшинд хүрч өссөн байна.
Энэ оны эхний улиралд долоон их наяд төгрөгийн худалдаа хийсэн нь өмнөх сараас 35 хувиар, өмнөх оны мөн үеэс 26.5 хувиар өссөн болохыг Үндэсний статистикийн хороо мэдээллээ. Инфляцын дүнгээр засварласан бодит өсөлт өмнөх оны мөн үеэс 11.6 хувиар өссөн болохыг Үндэсний статистикийн хороо тодотгож байна.
Хэдийгээр оны эхний улиралд үйлдвэрлэлийн аргаар тооцсон дотоодын нийт бүтээгдэхүүн 3.8 хувиар буурсан ч худалдааны салбарын өсөлт дотоодын нийт бүтээгдэхүүний үзүүлэлтэд 0.7 нэгж хувийн эерэг нөлөө үзүүлсэн байна.
Өсөлтөд шатахууны жижиглэнгийн борлуулалт, бөөний худалдаа, хүнсний төрөлжсөн дэлгүүрийн жижиглэн худалдаа, эм гоо, сайхан ахуйн хэрэглээний барааны борлуулалт голчлон нөлөөлсөн байна. Хөл хориог цуцалж, аж ахуйн нэгжүүд ямар нэгэн хязгаарлалтгүйгээр үйл ажиллагаа явуулж эхэлсэн зэрэг нь худалдан авалтад бүх талаар эерэг нөлөө үзүүлсэн болохыг Үндэсний статистикийн хороо мэдээллээ.
Зөвхөн гуравдугаар сард худалдааны салбарын нийт борлуулалтын орлого өмнөх сараас өсөж, улирлын нийт орлоын 38 орчим хувийг бүрдүүлсэн байна.
Төв аймагт худалдааны салбарын борлуулалтын орлого өмнөх оны мөн үеэс хоёр дахин өссөн бол бусад аймагт 2.6-62.7 хувиар өсжээ. Харин уул уурхайн бүтээгдэхүүний экспортын дийлэнх нь харьяалагддаг Өмнөговь аймагт борлуулалт өмнөх оны мөн үеэс 11.2 хувиар буурсан байна.
Монголбанк зах зээл дэх илүүдэл мөнгийг хумьж, инфляцын өсөлтийн хурдыг сааруулах зорилгоор мөнгөний бодлогоо чангаруулсан юм. Хэдий тийм боловч энэхүү бодлогын үр нөлөө 1-2 улирлын дараа илэрдэг болохыг эдийн засагчид тодотгож байна. Мөн I улиралд зургаан хувийн хүүтэй ипотекийн зээл төлөлтийн хугацааг хойшлуулж энэ он дуустал сунгаад байгаа юм.
Нийтэлсэн огноо2022-05-24
