Мэдээ мэдээлэл

Англи амин дэм Монгол улсад албан ёсоор бүртгэгдлээ.

Монгол улсад эрчим хүчний 30 орчим эх үүсвэр ажиллаж буй ч нийт хэрэглээнийхээ 18-20 хувийг импортоор хангаж байна www.bloombergtv.mn

Монгол Улс 2024 он гэхэд эрчим хүчний оргил ачааллын үед хэрэглээгээ хангах боломжгүйд хүрээд байгааг салбарынхан сануулж байна.

2022 оны байдлаар эрчим хүчний 30 орчим эх үүсвэр ажиллаж байгаа ч нийт хэрэглээнийхээ 18-20 хувийг импортоор хангаж байгаа ажээ. 2021 оны статистик үзүүлэлтээс харахад цахилгаан эрчим хүчний үйлдвэрлэл 7.1 тэрбум кВт.цаг, сэргээгдэх эрчим хүч үйлдвэрлэл 802.9 сая кВт.цаг буюу нийт үйлдвэрлэл 7.9 тэрбум кВт.цаг болж, өмнөх оноос 10.7 хувиар нэмэгдсэн байна.

Мөн 2021 онд COVID-19 цар тахлын улмаас хэрэглэгчдэд очих дарамтыг бууруулахын тулд хэрэглээг үнэгүй болгож, улсын төсвөөс 868.5 тэрбум төгрөгийн татаас олгосон байна.

Хэдийгээр улсын хэмжээнд нэг хэрэглэгчид ногдох цахилгаан тасалдлын хэмжээ 2.3 дахин буурсан ч эрчим хүчний системийн ачаалал жилд 7-8 хувиар нэмэгдэж байгаа тул томоохон эх үүсвэрийг ойрын хугацаанд барьж ашиглалтад оруулах нь тулгамдсан асуудал гэж тодорхойлж байна.

УИХ-ын гишүүн Ц.Даваасүрэн

Цаашид Багануурын дулааны цахилгаан станцыг 400 мВт-ын хүчин чадалтайгаар барих, Тавантолгойн 450 мВт-ын дулааны цахилгаан станцыг ашиглалтад оруулах, Эрдэнэбүрэнгийн 92 мВт-ын усан цахилгаан станцыг барьж, баруун бүсийн хэрэглэгчдийг хангах, Дорнод бүсийн эрчим хүчний системийн хүчин чадлыг ойрын хугацаанд 50 мВт-аар нэмэгдүүлэх зорилтууд хүлээгдэж байна.

Мөн олон жилийн турш огт хэрэгжүүлж чадаагүй эрчим хүчний бодит үнэ тогтоох асуудал нэн чухал болохыг Эрчим хүчний салбарынхан онцолж байна.

Нийтэлсэн огноо2022-05-24

Категори

Үйл явдал

Монгол улсад эрчим хүчний 30 орчим эх үүсвэр ажиллаж буй ч нийт хэрэглээнийхээ 18-20 хувийг импортоор хангаж байна www.bloombergtv.mn

Үйл Явдал

Мэдээ

Facebook