Мэдээ мэдээлэл

Англи амин дэм Монгол улсад албан ёсоор бүртгэгдлээ.

“Шарын гол” ХК 2024 онд ₮7.7 тэрбумын цэвэр ашигтай ажиллав www.bloombergtv.mn

“Багануур” ХК 2024 онд 1.6 тэрбум төгрөгийн цэвэр ашигтай ажиллажээ

“Шарын гол” ХК 2024 онд 7.7 тэрбум төгрөгийн цэвэр ашигтай ажилласнаа тайлагналаа. Тус компани 2023 онд 1.2 тэрбум төгрөгийн алдагдалтай ажиллаж байжээ. 2024 онд нүүрсний борлуулалтын дундаж үнэ 23 хувиар өссөн, өртөг зардал нь 10 гаруй хувиар буурсан нь ашигтай ажиллахад нөлөөлснийг тус компани тодотгож байна.

Тайлант хугацаанд “Шарын гол” ХК 105.7 тэрбум төгрөгийн борлуулалтын орлоготой ажилласан нь өмнөх оноос 4.8 хувиар өссөн дүн боллоо. Харин 75.6 тэрбум төгрөгийн өр төлбөр бүртгэгдсэн байна.

Тус компанийн нэгж хувьцааны ханш хоёрдугаар сарын 11-ний өдрийн байдлаар 2100 төгрөг байна. Хувьцааны ханшаар илэрхийлэгдэх зах зээлийн үнэлгээ нь 26 тэрбум төгрөг байгааг Монголын Хөрөнгийн бирж мэдээллээ.

Харин “Багануур” ХК 2024 оны IV улирлын байдлаар 1.6 тэрбум төгрөгийн цэвэр ашигтай ажилласнаа санхүүгийн тайландаа мэдээлээд байна. 2023 онд тус компани 9.5 тэрбум төгрөгийн алдагдалтай ажиллаж байсан аж.

2024 онд тус компани 237.5 тэрбум төгрөгийн борлуулалтын орлоготой ажилласан нь өмнөх оны мөн үеэс 13 хувиар өссөн үзүүлэлт болж байна. “Багануур” ХК 2024 онд 4.9 сая тонн нүүрс олборлон борлуулсан нь түүхэн дээд түвшинд хүрснийг онцолж байлаа.

Ашигт ажиллагааныхаа үр дүнд тус компани Японы Олон улсын хамтын ажиллагааны банкнаас авсан 23.5 тэрбум төгрөгийн зээлээ төлж барагдуулсан байна. Мөн эрүүл мэнд, нийгмийн даатгалын хуримтлагдсан өр 24 тэрбум төгрөгийг төлж, улсын төсөвт 50.7 тэрбум төгрөг төвлөрүүлжээ.

Харин 2025 онд зургаан тэрбум төгрөгийн ашигтай ажиллахаар бизнес төлөвлөгөөгөө баталснаа Гүйцэтгэх захирал нь тодотгосон юм.

Нийтэлсэн огноо2025-02-17

Категори

Үйл явдал

“Шарын гол” ХК 2024 онд ₮7.7 тэрбумын цэвэр ашигтай ажиллав www.bloombergtv.mn

Үйл Явдал

Мэдээ

Facebook