Үйлдвэрлэлийн осол 2024 онд өмнөх жилүүдээс 2 дахин нэмэгджээ. Хөдөлмөрийн аюулгүй байдал, эрүүл мэндийн салбарт тогтолцооны шинэчлэлийг хэрэгжүүлж байна. Ажлын байрны эрүүл, аюулгүй орчныг сайжруулах, хууль, дүрэм, журмыг хэрэгжүүлэх үйл ажиллагааг идэвхжүүлэх үндсэн зорилготой Хөдөлмөрийн аюулгүй байдал, эрүүл ахуйн аяны нээлт маргааш буюу дөрөвдүгээр сарын 2-ны өдөр болно.
Энэ жилийн тухайд Олон улсын Хөдөлмөрийн байгууллагаас ХАБЭМ-н хөгжил, Хиймэл оюуны хэрэглээ ба цахимжилт уриан дор ХАБЭА-н аяныг зохион байгуулж байна. Аяны хүрээнд нэгдүгээр улирлыг Эрчим хүчний салбарын ХАБЭА-г идэвхжүүлэх улирал болгон зарласан. Харин хоёр, гуравдугаар улиралд уул уурхай, барилга зэрэг эрсдэл өндөр салбаруудын ХАБ-ыг хангах, ЭА-н стандартын хэрэгжилтийг сайжруулах чиглэлээр төлөвлөгөөт ажлууд хийгдэнэ.
Үйлдвэрлэлийн осол, мэргэжлээс шалтгаалах өвчний 2024 оны судалгаагаар уул уурхайн салбарт ослын тоо өндөр байгаа бол, хүний амь нас эрсэдсэн тоо барилгын салбарт өндөр гарчээ. Иймд холбогдох байгууллагуудын зүгээс осол гарч байгаа шалтгааныг тогтоож, түүнээс урьдчилан сэргийлэх арга хэмжээг судалгааны түвшинд явуулах чиглэлийг баримтлан ажиллаж байна.

Нийтэлсэн огноо2025-04-01