Түгжрэлийг бууруулна хэмээн төлөвлөж буй нэгэн ажил бол Туул голын дээгүүр тавигдах ган татлагат гүүрэн байгууламж. Үүний зураг төслийг 28.6 тэрбумаар хийлгэхээр төлөвлөж, тендер зарласан үеэс эхлэн бид мэдээлж буй. 
Тодруулбал, “Өөдөө тэмүүлэх Монгол” ган татлагат гүүрэн байгууламжийн урьдчилсан техник, эдийн засгийн үндэслэл, зураг төсөв /Улаанбаатар, Үндэсний цэцэрлэгт хүрээлэнгээс хүрхрээн ам хүртэл/” төсөл, арга хэмжээний хүрээнд “Хөнгөн төмөр замын тээвэр (LRT) төслийн техник, эдийн засгийн үндэслэл, зураг төсөв /Улаанбаатар/ Багц-2” боловсруулах зөвлөх үйлчилгээг авна" хэмээсэн юм.
ТЭЗҮ-г тодруулан харвал урьдчилсан техник, эдийн засгийн үндэслэл, зураг төсвийг 28.6 тэрбумаар хийлгэнэ. Харин 2.8 их наядаар барилга угсралтаас ашиглалтад орох хүртэлх ажлыг хийлгэнэ гэж төлөвлөсөн байдаг.
Уг тендерийн материал хүлээн авах хугацаа энэ оны гуравдугаар сарын 26-ны өдөр дууссан бөгөөд дараах найман байгууллагаас 18.4-20.8 тэрбум төгрөгийн үнийн санал БНХАУ, БНСУ-ын 2, Монгол 6 компани ирүүлсэн байдаг.
Тус найман компанитай холбоотой мэдээллийг дараах линкээс унших боломжтой.
Тэгвэл тус тендерт үнийн санал ирүүлсэн ирүүлсэн ч саналыг цуцалсан байдаг.
Улмаар тус тендер дахин зарлагдлаа. Ингэхдээ үнийн санал, ажлын төлөвлөгөө нь өмнөхтэйгөө ижил байгаа юм. Тус тендерийн материал хүлээн авах хугацаа ирэх сарын 20-ны өдөр дуусах аж.

Нийтэлсэн огноо2025-04-23