Монгол Улсын Засгийн газар болон ХБНГУ-ын Засгийн газар хоорондын техникийн хамтын ажиллагааны хүрээнд, 1992 оноос хойш Монгол Улсад үйл ажиллагаа явуулж буй Германы олон улсын хамтын ажиллагааны нийгэмлэг (GIZ)-тэй хамтын ажиллагааны санамж бичигт гарын үсэг зурлаа. GIZ нь 2002 оноос эхлэн Монгол Улсын ойн салбарт хууль, менежмент, олон зорилтот ойн тооллогыг хэрэгжүүлэх зэрэг бодлогын чухал ажлуудыг хэрэгжүүлэн, дэмжлэг үзүүлж, ойн салбарт үнэтэй хувь нэмэр оруулж ирсэн байгууллага билээ.

GIZ-ын хэрэгжиж буй “Хөдөө аж ахуйн менежмент, эко системийн тогтвортой байдлыг хангах” (STREAM+) төслийн ойн бүрэлдэхүүн хэсгийн үйл ажиллагааны хүрээнд “Тэрбум мод сан”-тай хамтран ажиллахаар талууд харилцан Ойлголцол хамтын ажиллагааны санамж бичиг байгууллаа.

Тэрбум мод сан нь олон талт санхүүжилтийн эх үүсвэрийг бий болгосноор Монгол орны ойн салбарт тогтвортой санхүүжилтийн тогтолцоог бүрдүүлэх, улмаар уур амьсгалын өөрчлөлтийг бууруулах, ойн тогтвортой менежментийг хэрэгжүүлэх чиглэлд хүчин чармайлт гарган ажилладаг.

Тэрбум мод сан нь олон талт санхүүжилтийн эх үүсвэрийг бий болгосноор Монгол орны ойн салбарт тогтвортой санхүүжилтийн тогтолоцоог бүрдүүлэх, улмаар уур амьсгалын өөрчлөлтийг бууруулах, ойн тогтвортой менежментийг хэрэгжүүлэх чиглэлд хүчин чамайлт гарган, олон улсын сангуудын жишигт нийцэх, хараат бус, нээлттэй, зөв засаглалын зарчмаар ажилладаг.

GIZ, Тэрбум мод сангийн энэхүү хамтын ажиллагааны зорилго нь Монгол Улсад ойг нөхөн сэргээх, тогтвортой менежментийн үр дүнтэй арга хэмжээг дэмжих, хариуцлагатай, эдийн засгийн хувьд тогтвортой ойн аж ахуйн нэгжүүдийг хөгжүүлэх, байгаль хамгааллын ач холбогдлын талаар олон нийтийн ойлголтыг нэмэгдүүлэхэд чиглэж байна.

Хамтын ажиллагааны гол чиглэлүүд:

• Монгол Улсад тогтвортой ойн менежмент, ногоон хөгжлийг дэмжих ойн нөхөн сэргээлтийн хамтын ажиллагааг бэхжүүлэх

• STREAM+ болон SPACES II төслүүдийн хамтын үйл ажиллагаанд хамтран ажиллах

• Ойн салбарын техникийн чадавхыг нэмэгдүүлэх

• Хариуцлагатай, тогвортой ойн аж ахуйн нэгжүүдийг дэмжих

• Ногоон технологи нэвтрүүлэх

Энэхүү хамтын ажиллагаа нь Монгол орны ойг хамгаалж, нөхөн сэргээхэд чиглэсэн бодлогын болон практик түвшний үйл ажиллагааг дэмжихийн зэрэгцээ ирээдүйд байгаль орчны тогтвортой хөгжилд үнэтэй хувь нэмэр оруулах болно.