Даваа гарагт /2025.10.06/ болсон Олон улсын Саудын Арабын шонхор ба ан агнуурын үзэсгэлэн 2025 дээр Монгол шонхор шувууг 173,276 доллар буюу 622 сая 580 мянган төгрөгөөр худалдсан байна.
Харин манай улсад тогтоосон шонхор шувууны үнэ нэг бүр нь 20 сая 880 мянган төгрөг, БОУАӨЯ жилд 350 шонхор шувуу барих зөвшөөрөл олгодог. Эдгээр зөвшөөрлийг ихэвчлэн арабууд авч, арван сард шонхор барихаар монголд ирдэг аж.
Дээрх үзэсгэлэнгийн хүрээнд хоёр монгол шонхор дуудлага худалдаанд оролцсон бөгөөд нийлээд 778,000 доллароор зарагджээ. Энэ нь монгол мөнгөөр 2,8 тэрбум төгрөг юм. Хоёр шувууны нэг нь бага насных тул 70,000 SR-ээр санал болгож, 128,000 SR-ээр зарсан байна. Харин нөгөөх шонхор нь насанд хүрсэн тул 100,000 SR-ээр санал болгож, 650,000 SR-ээр заржээ.
Энэ нь Саудын Арабын олон улсын шонхор шувууны үзэсгэлэн Монголын шонхор шувуу анх удаа хэт өндөр үнээр зарагдсан тохиолдол болсон байна. Уг үзэсгэлэнд Зүүн Азийн Монголоос гаралтай элит шонхрууд, ялангуяа том биетэй, урт далавчтай шувууд оролцдог аж.
Монгол шонхор нь цагаанаас хар хүрэн хүртэл янз бүрийн өнгөтэй байдаг. Эдгээр шинж чанарууд нь тэдэнд хүнд хэцүү нөхцөлд тэсвэртэй, бэлтгэл сургуулилтад хурдан хариу үйлдэл үзүүлэх зэрэг давуу талтай бөгөөд сонирхогчид төдийгүй мэргэжлийн хүмүүсийн дунд хамгийн алдартай нь шонхор шувуу юм.
Эх сурвалж: arabnews

Нийтэлсэн огноо2025-10-09