Ерөнхий сайд Н.Учрал Оюу толгой бүлэг ордод хамаарах хоёр лицензийг эзэмшиж байгаа Онтрэ ресурс компанитай холбоотой асуудлаар байр сууриа илэрхийлж, Хууль зүй, дотоод хэргийн сайд үүрэг даалгавар өгчээ.
Ерөнхий сайд Н.Учрал: "Онтрэ"-тэй холбоотой ямар нэгэн лиценз шилжсэн асуудал байхгүй. Энэ бол стратегийн орд. Тиймээс энэ тусгай зөвшөөрөл шилжих эсэх асуудлыг зөвхөн УИХ шийднэ. "Онтрэ" компанитай өмнө нь ярьж ирсэн зарчмыг огт дэмжихгүй. Бид "Онтрэ"-тэй тусдаа Хөрөнгө оруулалтын гэрээ (ХөОГ) байгуулж, УИХ-аар оруулж, өнөөдрийн хууль эрх зүйн орчны хувьд 34 хувийг авах, эсвэл түүнийг тусгай АМНАТ-өөр оруулах эсэх асуудлыг УИХ-аар шийдүүлэх хууль эрх зүйн орчинтой. Энэ орчны дагуу асуудалд хандана. Г.Тэмүүлэн сайд хэлэлцээр дээр баримтлах удирдамжаа боловсруулж, батлуулаад хэлэлцээртээ орох хэрэгтэй. Шаардлагатай гэвэл УИХ-д оруулах эсэхээ Засгийн газарт таницлуулаад шийднэ. Шаардлагагүй гэж үзвэл яараад байх шаардлагагүй. Г.Тэмүүлэн сайд бол Оюу толгой Хөрөнгө оруулалтын гэрээ байгуулагдсанаас хойш 17 жилийн түүхийг мэднэ, бүх түвшинд ажиллаж байсан хүн. Хөрөнгө оруулагч талтай энэ хэлэлцээрээр ахиц дэвшил гаргана гэдэгт эргэлзэхгүй байна.

Ганболд БАТЖАРГАЛ

Сэтгүүлч Г.Батжаргал нь iToim.mn сайтад 2015 оноос ажиллаж байна. Улс төр, нийгэм, эдийн засгийн чиглэлээр мэдээ, мэдээлэл бэлтгэдэг.

Нийтэлсэн огноо2026-11-04