Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
"1.4 сая гаруй иргэнд 3 сая тун вакцин авах асуудлаар AstraZeneca, Moderna компанитай хэлцэлд хүрэх ажлыг зохион байгуулна" www.ikon.mn
Засгийн газрын ээлжит хуралдаанаас гарсан шийдвэрүүдийг танилцуулах үеэр сэтгүүлчийн вакцины талаар асуусан асуултад УОК-ын дарга, Шадар сайд Я.Содбаатар хариулт өглөө.
Вакцинтай холбоотой асуудлаар Сангийн сайд ахалж, Гадаад хэргийн сайд орлогчоор нь ажиллаж буй томоохон ажлын хэсэг гаран ажиллаж байгаа юм.
Тэрбээр "Өнөөдөр ДЭМБ-аас бүртгэсэн вакцин нэг ч алга. Гэхдээ дэлхийн хэмжээнд хөгжүүлэлт нь нэлээд амжилттай яваа 10 вакцин гуравдугаар шатлалдаа орсон. Тухайлбал, Moderna, Astra Zeneca компанийн болон, Орос, Хятадын гэсэн вакцинууд тухайн үндэстнийхээ бүртгэлд хамрагдаж, олон улсад үр дүнгээ тайлагнах, цаашлаад олон улсын түвшинд бүртгэгдэх шатандаа яригдаж эхэлсэн.
Хэрвээ вакцин ДЭМБ болон олон улсын хатуу хоригтой орнуудын бүртгэлд хамрагдаад эхэлсэн тохиолдолд Монгол Улс хамгийн эхний ээлжид хамрагдах орнуудын тоонд орохоор идэвхтэй ажиллаж байна.
Гэхдээ Монгол Улсын Дархлаажуулалтын тухай хуулиар тухайн иргэн вакцинд хамрагдах нь сайн дурын үндсэн дээр явагддаг. Дэлхийн дийлэнх оронд вакциныг заавал хийдэг бол манай улс сайн дурын үндсэн дээр хийдэг. Бид нийт зургаан чиглэлээр вакцин үйлдвэрлэгч орнуудтай болон Дэлхийн банк, ДЭМБ зэрэг байгууллагын бий болгосон Ковикс механизмын хүрээнд вакцин авах ажлыг зохион байгуулж байгаа.
Одоогоор зарлагдаад буй вакцинууд бүгд 18 нас хүртэлх насны хүүхдэд хийдэггүй.
Өөрөөр хэлбэл манай улсын 1.3 сая хүүхэд /иргэн/ вакцинд хамрагдахгүй. Үлдсэн хоёр сая иргэний 20% буюу 660,000 гаруй иргэнд хийх сая гаруй тун вакцины асуудал Дэлхийн банк, ДЭМБ зэрэг байгууллагуудын хамтарсан механизмын хүрээнд шийдэгдэнэ. Хоёр саяас үлдэх 1.4 сая гаруй иргэнд 3 сая тун вакцин авах асуудлаар AstraZeneca, Moderna зэрэг вакцин үйлдвэрлэгч компаниудтай цахим хурал хийж, мэдээлэл аваад, хэлцэлд хүрэх ажлыг зохион байгуулна.
"Ковикс"-ын хүрээнд вакцинжуулалтад хамрагдах эхний гурван орны жагсаалтад Монгол Улс багтсан. Засгийн газрын хуралдаан болгоноор КОВИД-19-ийн цаг үеийн мэдээллийг солилцож, ярилцаж байгаа" гэв.
Нийтэлсэн огноо2020-12-02
