Мэдээ мэдээлэл

ҮСХ: 2021 онд төсвийн алдагдал 34.5 хувиар буурч, ₮2.9 их наяд боллоо www.bloombergtv.mn

2021 оны урьдчилсан гүйцэтгэлээр төсвийн тэнцвэржүүлсэн тэнцэл 2.9 их наяд төгрөгийн алдагдалтай гарлаа. Төсвийн алдагдал өмнөх оноос 34.5 хувиар буурсан байна.

Монгол Улсад COVID-19-ийн халдварын тохиолдол бүртгэгдэж, халамжийн чиглэлийн зарцуулалт нэмэгдсэнээр төсвийн алдагдал 2020 онд түүхэн дээд түвшин буюу 4.5 их наяд төгрөгт хүрсэн байна.

2021 онд халамжийн чиглэлийн зарцуулалт үргэлжилж, түүхий эдийн экспортын биет хэмжээ огцом буурчээ. Төсвийн тодотголоор алдагдлыг анх тооцоолсноос 1.5 их наяд төгрөгөөр нэмэгдүүлж, 3.7 их наяд төгрөг байхаар тооцоолсон байна. Төсвийн алдагдал тодотголд тусгасан хэмжээнээс доогуур дүнтэй гарлаа.

Харин 2021 онд төсвийн тэнцвэржүүлсэн орлого 12.7 их наяд төгрөг болж, өмнөх оноос 34.1 хувиар өссөн байна. Төсвийн орлого өсөхөд татварын нийт орлого 32.3 хувиар өссөн нь голлон нөлөөлжээ. Төсвийн орлогын 79 хувийг татварын орлого бүрдүүлсэн байна.

Төсвийн тодотголоор орлогыг 597.7 тэрбум төгрөгөөр нэмэгдүүлж, 13.7 их наяд төгрөг болгосон юм. Төсвийн гүйцэтгэлээр тодотголд тусгасанд хэмжээнд хүрээгүй байна. Харин зарлага 12.2 хувиар өсөж, 15.6 их наяд төгрөг болсон нь тодотголд оруулсан хэмжээтэй тэнцэж байгаа юм.

Нийтэлсэн огноо2022-01-19

Категори

Үйл явдал

ҮСХ: 2021 онд төсвийн алдагдал 34.5 хувиар буурч, ₮2.9 их наяд боллоо www.bloombergtv.mn

Үйл Явдал

Мэдээ

Facebook