Төслийг 1991 онд санаачилснаас хойш хэд хэдэн удаагийн судалгааны ажил хийгдэж байжээ
Нийт  гурван их наяд 700 тэрбум төгрөгийн хөрөнгө оруулалтаар хэрэгжих Эгийн голын усан цахилгаан станцын байгаль орчны нөлөөллийн судалгаа үргэлжилж байгааг Шинжлэх ухааны академи мэдээллээ.
Хэрэв тус усан цахилгаан станц ашиглалтад орвол ОХУ-аас жил бүр импортолдог 25 сая ам.долларын эрчим хүчний хэрэглээг дотоодоос хангах боломжтойг Засгийн газрын танилцуулгад дурдсан юм. Төслийг 1991 онд санаачилснаас хойш хэд хэдэн удаагийн судалгааны ажил хийгдэж байжээ. Засгийн газар 2024-2032 онд Төр, хувийн хэвшлийн түншлэлээр төслийг санхүүжүүлэх зорилттой байгаагаа мэдээлж байв.
Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр
Францын судлаачдын хийсэн судалгаагаар байгаль орчинд тодорхой хэмжээнд нөлөөлөл үзүүлэх боловч сөрөг нөлөөлөл бага гэж дүгнэжээ. Тэдний тооцооллоор төслийн нийт өртөг 827.6 сая ам.доллар бөгөөд усан цахилгаан станц 50 жил ажиллана гэж тооцоолсон байна.
Хэдий тийм боловч энэхүү судалгааг ОХУ-ын талаас хүлээн зөвшөөрөөгүй бөгөөд Монгол Улстай хамтарсан шинэ судалгаа явуулахаар шийдвэрлэж байсан юм. Судалгааны үр дүнгээр төсөл цаашид хэрхэх нь тодорхой болно гэж Эрчим хүчний сайд онцоллоо.

Нийтэлсэн огноо2025-04-08