Судалгаанд итгэлцлийн үйлчилгээ эрхлэгч ББСБ-ын 63.6, ХОМК-ийн 42.4, даатгагчийн 78.9, ВХҮҮ-ийн 75 хувь нь хамрагджээ
2024 оны байдлаар Санхүүгийн зохицуулах хорооны “Комплайнсын эрсдэлийн үнэлгээ”-нд  зохицуулалтын дөрвөн салбараас нийт 94 компани хамрагдсан байна. Судалгаанд хамрагдсан байгууллагуудын 47.6 хувь нь дунд харин 6.6 хувь нь компанийн засаглалын кодексийн хэрэгжилт хангалтгүй гэж үнэлэгджээ.  Үлдсэн 47.6 хувь нь хэрэгжилт сайн гэж үнэлэгдсэн байна.
Салбараар нь харвал судалгаанд хамрагдсан банк бус санхүүгийн байгууллагуудын 68.6 хувь сэжигтэй гүйлгээг тогтмол шалгаж нягталдаг бүхий этгээдийг шалгах аргачлалгүй, эсвэл одоогоор боловсруулж буй гэсэн байна. Мөн 38.2 хувь нь залиланг хянах зорилгоор мэдээлэл цуглуулдаг системгүй гэжээ.
Судалгаанд хамрагдсан даатгалын салбарын компаниудын 40 хувь залиланг хянах зорилгоор мэдээлэл цуглуулдаг системгүй, эсвэл боловсруулах шатандаа байгаа гэсэн байна. Мөн 53.3 хувь нь улс төрд нөлөө бүхий этгээдийг шалгах аргачлалын хэрэгжилт хангалтгүй, эсвэл одоогоор боловсруулж буйг дурджээ.
Үүнээс гадна виртуал хөрөнгийн үйлчилгээ үзүүлэгчийн 44.4 хувь залиланг хянах зорилгоор мэдээлэл цуглуулдаг системийн хэрэгжилт хангалтгүй, 55.5 хувь залиланг бодит цагийн горимд илрүүлэх хяналтын хэрэгжилт хангалтгүй байсан гэж дүгнэсэн байна.
Комплайнс нь хууль тогтоомжийг дагаж мөрдөх, түүнд нийцүүлэн, үйл ажиллагаа явуулж байгаа эсэхийг баталгаажуулж, эрсдэлээс урьдчилан сэргийлэх зэрэг ач холбогдолтойг Санхүүгийн зохицуулах хороо тодотголоо.

Нийтэлсэн огноо2025-04-08