Нийслэлийн Хан-Уул дүүргийн 19 дүгээр хороонд байрлах "Интермед" эмнэлэгт тэсрэх бөмбөг суурилуулсан гэх мэдээлэл цахимд орчинд өнөөдөр /2026.08.17/ цацагдаад буй. Үүнтэй холбогдуулан тус эмнэлгээс мэдэгдэл гаргаж "Интермед эмнэлэгт ирсэн мэдээллийн дагуу мэргэжлийн байгууллагаас манай эмнэлгийн байранд шалгалт, хяналтын ажлыг гүйцэтгэж байна. Одоогийн байдлаар шалгалтын явц үргэлжилж байгаа бөгөөд бид үйлчлүүлэгч, эмч мэргэжилтэн, ажилтныхаа аюулгүй байдлыг нэн тэргүүнд тавьж, хууль хяналтын байгууллагаас өгсөн заавар удирдамжийн дагуу ажиллаж байна.

Үүнтэй холбогдуулан өнөөдөр үзлэг, шинжилгээний цаг авсан үйлчлүүлэгчдийн цагийн хуваарьт зохицуулалт хийж ажиллах ба манай харилцагчийн үйлчилгээний ажилтнууд та бүхэнтэй холбогдон цагийг шилжүүлэх, мэдээлэл өгөх ажлыг зохион байгуулах болно" гэсэн байна.

"Одоогийн байдлаар холбогдох байгууллагаас шалгалтын ажиллагаа явуулж байна" гэдэг мэдээллийг албаныхан өглөө.

Нийтэлсэн огноо2026-08-17