Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв шатахуунтай холбоотой цаг үеийн асуудлаар ээлжит мэдээллээ хийлээ.
АИ92 шатахууны үнэ 851 ам.доллар болж нэмэгдсэн учраас литр тутамд 200 төгрөгөөр нэмэгдүүлжээ. Манай улс ОХУ-тай 3 сар тутам үнэ тогтмол нэмэгдсэн бол үнийг өсгөх гэрээтэй.
Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв: Өнгөрсөн 24 цагт Улаанбаатар хотод 1750, орон нутагт 500 тонн АИ92 шатахууныг түгээлээ. Улаанбаатар хотын шатахуун түгээх станцуудын 90 хувийг хэвийн ажиллуулж эхэлсэн. Аж үйлдвэр эрдэс баялгийн сайд компаниудад 24 цаг тасралтгүй ажиллах, бүх хошуугаараа шатахуунаа олгох үүрэг өгсөн. Өнөөдрийн байдлаар 48 вагон буюу 2880 тонн шатахуун буулгалтад бэлдэж байна. Ингээд тасралтгүй нийлүүлэлт нэмэгдэж байна. Өнөөдрөөс 24 цаг тасралтгүй шатахуун түгээвэл нийслэл хот харьцангуй гайгүй болно. Мөн аймгийн төвүүд нийлүүлэлтийг зэрэгцүүлээд хийж байна. Энэ 7 хоногт бүх түвшинд хэвийн болгохоор ажиллаж байна.
БНХАУ-аас авах бүтээгдэхүүн эхнээсээ ачигдсан. 20 вагон шатахуун Эрээн хотод дөхөж явна” гэлээ.

Пүрэвдагва БУЛГАН

Сэтгүүлч М.Булган нь iToim.mn сайтад 2015 оноос ажиллаж байна. Улс төр, нийгмийн чиглэлээр мэдээ, мэдээлэл бэлтгэдэг.

Нийтэлсэн огноо2026-08-17