Монголын коксжих нүүрсний зах зээл өнгөрсөн долоо хоногт Хятадын хилийн гол боомтуудад эрчимжиж, нийлүүлэлт хумигдах эрсдэл, эцсийн хэрэглэгчийн дахин нөөцлөлт болон намрын баяр, Үндэсний байр Хятадын дотоодын коксжих нүүрсний үнийг өсгөх бодлого зэрэг олон талын нөлөөгөөр өсөв.
Ганцмод боомт дахь худалдаачид  Хятадын намрын баярын үеэр гаалийн үйл ажиллагаа түүр хаагдахыг тооцож, Монголын нүүрсний үнийн саналуудаа бууруулах тал дээр болгоомжилсон нь ханшийн түвшинг хадгалахад нөлөөлсөн юм. 9-р сарын 26-нд гэхэд Ганцмод боомтоор Монголын 5-р зэрэглэлийн түүхий коксжих нүүрсний үнэ тонн нь 1046 юань буюу долоо хоногийн нийт дүнгээр 49 юаниар өсчээ. Харин Жинчуань компанийн 5-р зэрэглэлийн угаасан нүүрс 70 юаниар өсөж тонн тутам нь 1280 юаньд хүрчээ.
Гаалийн нэвтрэлт өндөр түвшинд хадгалагдсаар байна. 9-р сарын 22-27-нд Ганцмод боомтоор өдөрт дунджаар 1330 орчим нүүрс тээврийн машин хил нэвтэрсэн нь өмнөх долоо хоногийнхоос 0.68 хувиар нэмэгдсэн тоо юм. 9-р сарын 28-ны байдлаар Ганцмод боомтын агуулахад 2.89 сая тонн нүүрс байгаабөгөөд өмнөх долоо хоногоос 5.4 хувиар нэмэгдсэн нь дараалан 4 дэхь долоо хоногтоо өссөн дүн аж.
Цагаан хаднаас Ганцмод руу чиглэсэн богино зайны тээврийн тариф 9-р сарын 26-нд НӨАТ ороогүй дүнгээр тонн нь 90 юань болж өмнөх долоо хоногоос 22 юаниар нэмэгдсэн байна.
Эх сурвалж: Sxcoal
Т.БАТСҮРЭН

Нийтэлсэн огноо2025-09-30